Тайвань СІМ халықаралық қауымдастықты Қытайдың әскери әрекетін айыптауға шақырды, деп хабарлайды inbusiness.kz Reuters агенттігіне сілтеме жасап.
Ведомство Қытай "КХДР-ға еліктеп, көршілес елдердің маңында зымырандар ұшырып жатыр" деп мәлімдеді. Министрлік Бейжіңнің әрекетін айыптап, басқа мемлекеттерді "еркін және демократиялық" Тайванды қолдауға шақырды.
Бұған дейін ҚХР СІМ Тайвань бұғазындағы Қытай Халық-азаттық әскерінің жаттығулары АҚШ Өкілдер палатасының спикері Нэнси Пелосидің Тайванға сапарлай баруына жауап ретінде жүргізілетінін хабарлады. Қытай бұл оқу-жаттығулар "арандатушыларға қарсы тұруға және мемлекеттің егемендігін қорғауға бағытталған" деп мәлімдеді.
4 тамызда Тайвань бұғазындағы жаттығулар кезінде Қытай әскери-теңіз күштерінің кем дегенде он кемесі және тағы бірнеше әуе күштері Тайвань мен Қытайды бөліп тұрған сызықты кесіп өтіп, біраздан кейін шегінгені белгілі болды.
Табиғат Нұрболат
