/img/tv1.svg
RU KZ
FTSE 100 5 671,96 РТС 1 014,44
Hang Seng 23 497,47 KASE 2 224,17
DOW J 21 921,63 Алтын 1 592,90
Такси жүргізушісі коронавирус күдігімен ауруханаға жатқызылды

Такси жүргізушісі коронавирус күдігімен ауруханаға жатқызылды

Ол Мальдив аралдарында демалып келгендерді Қостанай облысынан Нұр-Сұлтанға жеткізген.

26 Наурыз 2020 10:09 61

Такси жүргізушісі коронавирус күдігімен ауруханаға жатқызылды

Фото: Максим Морозов

25 наурызға қараған түні елорданың екі тұрғыны Талапкер ауылының маңында орналасқан өткізу-бақылау бекеті арқылы өтуге тырысқан. Олар Мальдив аралдарында (1Б санатқа жатады) демалып келген, деп хабарлайды әкімдіктің сайты.

Нұр-Сұлтанға Қостанай облысы арқылы таксимен келген. Такси жүргізушісі елордаға жетпей екі азаматты өткізу-бақылау бекетінің қасынан тастап кеткен. Өткізу-бақылау бекетінде медицина және полиция қызметкерлері азаматтардың денсаулығын тексеріп, барлық қажетті шараларды қабылдады. Олар жедел түрде стационарға жеткізіліп, коронавирус инфекциясына сараптамадан өтті. Ал такси жүргізушісі Петропавловда ұсталды. Ол да стационарға жіберілді.

Елорда әкімдігі тәртіпбұзғандар қатаң түрде жазаланатынын еске салады.

Қала аумағында өткізу-бақылау бекеттері орнатылған, 22 наурыз сағат 00-ден бастап елордаға кіруге де, шығуға да тыйым салынды. Осы аралықта қалаға келіп-кету тәртібін бұзудың 46 фактісі тіркелді, 29 тәртіпбұзушы 15 тәулікке қамауға алынды. Кей адамдарға айыппұл салынса, басқалары сот шешімін күтіп отыр.
 

inbusiness.kz-ті қараңыз, оқыңыз :

Елордалық медицина мамандары қала тұрғындарына бейнеүндеу жолдады

Бейнеүндеуде дәрігерлер мен медбикелер тұрғындарды денсаулықтарына сақтықпен қарап, үйде болуға шақырды.

25 Наурыз 2020 14:19 73

Елордалық медицина мамандары қала тұрғындарына бейнеүндеу жолдады

Коронавирус инфекциясымен бетпе-бет келіп, тәулік бойы күресіп жатқан медицина қызметкерлері қала тұрғындары мен қонақтарына бейнеүндеу жолдады, деп хабарлайды Елорда әкімдігінің ресми сайты.

Бейнеүндеуде тәжірибелі дәрігерлер мен медбикелер тұрғындарға қазір қиын-қыстау кезеңді бастап өткеріп жатқандарын айтып, тұрғындарды денсаулықтарына сақтықпен қарап, үйде болуға шақырды.

«Қазір маңызды кезеңдердің бірі. Бұл жаттығу емес. Біз үшін сіздердің өмірлеріңіз маңызды. Денсаулықтарыңызды сақтаңыздар. Бізге көмектесіңіздер. Үйде болыңыздар», – деді инфекционист дәрігер бейнежолдауда.

Астаналық медицина мамандарының пайымынша, вирусты жоюда дәрігерлердің ғана емес, азаматтардың да жауапкершілігі маңызды.

Еске сала кетсек, Нұр-Сұлтан қаласында 22 наурыз сағат 00.00-ден бастап қалаға кіріп-шығуға тыйым салынды. Қалада өткізу-бақылау бекеттері орнатылған. Күнделікті өмірге қажетті азық – түлік пен қажетті тауарларды кедергісіз тасымалдауға рұқсат берілген.

Париж – Минск – Нұр-Сұлтан бортымен келген жолаушылар үй карантиніне жатқызылады

3 науқас ауруханаға жеткізілді.

21 Наурыз 2020 13:58 111

Париж – Минск – Нұр-Сұлтан бортымен келген жолаушылар үй карантиніне жатқызылады

Нұр-Сұлтан қаласы қоғамдық денсаулық сақтау басқармасының басшысы Сәуле Қисықова короновирус инфекциясын жұқтырған соңғы 3 адамға қатысты ақпаратпен бөлісті. 

«19 наурыз күні Париж-Минск-Нұр-Сұлтан бағытындағы рейспен 73 жолаушы ұшып келді. Осы борттан 3 науқас анықталып, ауруханаға жеткізілді. Науқастармен бірге ұшып келген адамдар үй карантиніне жатқызылады», – деді Сәуле Қисықова.

Қанат Махамбет

Жаңалықтарға жазылу: