Әзірге балаға нақты кімнің қатыгездік жасағаны және оның жасы нешеде екені белгісіз.
Белгілі болғандай, жәбірленушінің анасы жақында қайтыс болған. Ал полиция бұл фактіні анықтап жатыр.
"Ананың қайтыс болуына байланысты қорғаншылық органдарымен тиісті құжаттар әзірленіп, кішкентай балалар әжесіне берілді. Қазіргі таңда Талдықорған қалалық полиция бөлімі жедел-іздестіру шараларын жүргізіп жатыр. Балалардың құқықтарын қорғау және оларға қатысты әрекеттер бақылауда", – деп жазды Модақұлов Instagram парақшасында.
Бұған дейін Талдықорғанда полицейлер жергілікті кәмелетке толмағандарды бейімдеу орталығындағы балалардың азапталуы туралы арыз бойынша қылмыстық іс қозғаған еді.
Қазақстандық әйел апелляциялық шағымына 9 жасар әпкесімен бірге Талдықорғандағы кәмелетке толмағандарды бейімдеу орталығында екі айға жуық жатқан 7 жасар баланың денесін күйік шалған фотосуреттерді қоса берген.
