Талдықорған қаласының орталық көшесінде ер адам танысының қолынан ажал құшты. Қайғылы оқиға 30 наурыз күні болған, деп хабарлайды inbusiness.kz сайты.
Жетісу облыстық полиция департаменті оқиғаға қатысты пікір білдірді.
"Алдын ала мәліметке сәйкес, 30 наурыз күні кешке таныс адамдар арасында жанжал болып, арты төбелеске ұласқан. Біреуі екіншісіне пышақ сұғып, ер адам алған жарақаттан көз жұмды", – делінген ресми хабарламада.
Күдікті оқиға орнынан қашып кеткен. Көп ұзамай ол жедел іздестіру шаралары барысында қолға түсті. Полиция осы дерек бойынша қылмыстық іс қозғалғанын хабарлады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
