Талдықорғанда қоғамдық көліктің жолақысы 20 теңгеге қымбаттады. Бұрын 60 теңге еді. Жаңа жылдан бастап, 80 теңге болды, деп хабарлайды 24.kz.
Алматы облысының орталығында жолаушы тасымалымен айналысатын 7 компания бар. Олар 29 бағыт бойынша қызмет көрсетеді. Жолақы жанармай мен қосалқы бөлшектердің қымбаттауына байланысты өсіп отыр. Дегенмен, 1-ші және 2-топтағы мүгедектер мен ардагерлерге, студенттер мен мектеп оқушыларына жасалатын жеңілдіктер күшін жоймайды. Жауаптылар осылай дейді.
"2015 жылы білсеңіздер 1 литр бензиннің құны 80 теңге болса, қазіргі кезде 160 теңге болды. Екінші себеп қосалқы бөлшектер, аккумулятор болсын, резиналар болсын, нарыққа байланысты 40-50 пайызға көтерілу себебі бойынша осындай шешімге келдік",- дейді қалалық жолаушылар көлігі және автомобиль жолдары бөлімінің сектор меңгерушісі Қуат Қаниет.
