A-Class Medical сенімді басқарушы компаниясы Талғар аудандық орталық ауруханасының медициналық директоры Лаура Мырзағалидің қызметіннен шеттетілгенін мәлімдеді, Inbusiness.kz сайты.
Аурухананың баспасөз қызметі Лаура Мырзағалидің қызметтік тергеуге байланысты қызметінен шеттетілгенін айтты.
"Шешім жергілікті интернет-қауымдастықтар парақшасында ұсынылған дәлелдер мен материалдар негізінде қабылданды. Шеттетудің мақсаты – Талғар ОАА медицина қызметкерлеріне қатысты заңсыз әрекеттерді тергеудің бейтараптығын қамтамасыз ету", – деп хабарлады Талғар аудандық орталық ауруханасы.
Қызметтік тергеу жүргізу үшін құрылған комиссия ұсынылған деректер мен мән-жайды талдайды.
"Басқарушы компания тергеу барысында объективтілік пен әділдік қағидаттарының сақталуына кепілдік береді", – делінген хабарламада.
