Даярлық барысында танк негізі қаруы болып табылатын танк зеңбірегінен штаттық артиллериялық снарядпен оқ атуға ереше назар аударылды. Бұдан басқа, экипаждарПКТ (қарсыластың шартты жұмыс күші бойынша) және НСВТ (әуе нысандары бойынша) танк зеңбіректерінен атыс жүргізуді пысықтады.
Қару-жарақ тізіміне көптеген жаңа қару-жарақ түрлерінің, оның ішінде ұшқышсыз ұшу аппараттарының келуіне қарамастан, танктер әлем елдері армияларының негізгі жауынгерілік құрамдас бөлігі болып табылады. Олардың басты артықшылығы-қауіпсіздік пен жауынгерлік күш. Мұны қазіргі қарулы қақтығыстардың тәжірибесі дәлелдейді.
Сирия, Ливия, Ирак және басқада әлемнің шиеленіс нүктелерінде ұрыс қимылдары танктің құрлықтағы жауынгерлік әрекеттерді орындаудағы қажеттелігін көрсетті. Әскери қақтығыста танктің болуы жоғары маневрлікті және оқ ату мүмкіндіктерін қамтамасыз етеді.
Бүгінгі таңда танк әскерлері дамыған елдердегі құрлық әскерлерінің жалпы жүйесінде айтарлықтай үлес алады. Қазақстан Қарулы Күштерінде танк бөлімдері мен бөлімшелері еліміздің әртүрлі өңірлерінде орналасқан және үнемі жауынгерлік әзірлікте болады.
"Алдаспан-2020" жедел-тактикалық командалық-штабтық оқу-жаттығуы барысында қазақстандық танкішілермен жаңа тәсілдер, сонымен қатар "Танк карулселі" - ұрыс жүргізу әдісін пысықтады. Онда үш жауынгерлік машина кезек-кезек, карусель қағидаты бойынша қозғала отырып, атысты үздіксіз орындайды. Осындай негізде қарсыласқа оқ жоғары қарқынмен, тоқтаусыз негізде жүзеге асырылады.
