Қазақстандық танкистер Алабинода өтетін танк биатлонына дайындалуда, деп хабарлайды ҚР қорғаныс министрлігі.
Ресей Федерациясының Алабино полигонында танк биатлоны бойынша бүкілармиялық жарыстар биыл бесінші рет өткізілгелі отыр. Танк биатлоны байқауына Әзербайжан, Ангола, Армения, Беларусь, Венесуэла, Зимбабве, Индия, Иран, Қазақстан, Қырғыз, Қытай, Кувейт, Лаос, Моңғолия, Никарагуа, Ресей, Сербия, Тәжікстан және Уганда елдерінен барлығы 19 команда қатысады.
Жеребе нәтижесі бойынша Қазақстан қарулы күштерінің құрама командасы танк биатлонын өткізу кезеңінде көк түсті Т-72 танкпен есеп бойынша үшінші болып өнер көрсетеді. Жеребеден соң танкистер Ресей тарапы бөлген танктерді тексеруге кірісіп кетті.
Жарыстар дербес жүріп өтулерден тұрады. Содан соң жеңімпаздар жартылай финалдық және финалдық эстафеталарда сайысады. Танк биатлонына қатысу үшін Қазақстан командасының жүріп өтуі 30 шілдеде өтеді. Финалдық эстафета 12 тамыз, халықааралық армия ойындарының жабылу күніне жоспарланған.
