Сол уақытта марқұмның бет-әлпеті адам танымастай күйде болғаны анықталып отыр, деп жазады inbusiness.kz сайты.
Құқық қорғау органдары қайтыс болған адамның аты-жөнін, жасы 44-те екенін айтады. Ол бұрынғы полиция қызметкері болып шықты.
Әлеуметтік желідегі Halyqstan парақшасының мәліметінше, ер адам ажырасқан соң ішімдікке тәуелділігін арттыра түскен. Осылайша, жеті жылдан бері үй-күйсіз, баспанасыз жүріпті. Соңғы кезде тіпті ішімдікке әуес адамдар жиналатын бос алаңда жиі уақыт өткізгені нақтыланған.
Марқұмды кімнің және не үшін мұншалықты қатыгездікпен өлтіргені тергеу барысында анықталады. Қаскөй оның басын жаншып қана қоймай, шынашағын да кесіп алған. Қылмыс қазіргі уақытта Қылмыстық кодекстің 99-бабы 1-бөлігі (адам өлтіру) бойынша тергеліп жатыр.
