"Сот О.-ның кінәсін зерделенген дәлелдемелермен дәлелденген деп таныды. Сот үкімімен О. қайтыс болуына байланысты жаза тағайындалмай, жаппай тәртіпсіздіктерге қатысқаны үшін (ҚР ҚК-нің 272-б. 2-б.) кінәлі деп танылды", делінген баспасөз қызметінің хабарламасында.
Сот өкілдерінің мәліметінше, 2022 жылы 6 қаңтарға қараған түні марқұм О. Тараз қаласындағы қирату, бұзу және қалалық әкімдік ғимаратының мүлкін жоюға ұласқан жаппай тәртіпсіздіктерге қатысқан.
"О.-ның кінәсі іс бойынша жиналған дәлелдемелермен: куәлер К., А., Ж.-ның айғақтарымен, сот-медициналық, сот-биологиялық, сот-медициналық-криминалистикалық, сот-баллистикалық сараптамалардың қорытындыларымен, сондай-ақ фотосурет бойынша тану хаттамасы мен істің басқа да материалдарымен дәлелденді", делінген Жамбыл облысының кәмелетке толмағандардың істері жөніндегі мамандандырылған ауданаралық сотының баспасөз қызметі таратқан хабарламада.
