Таразда көпқабатты үйде болған жарылыстан жарақат алып, ауруханаға жатқызылған 1954 жылғы ер адам көз жұмды. Бұл туралы №2 қалалық аурухананың күйік бөлімінің меңгерушісі Әбілсейіт Сыдықов айтты, деп хабарлайды Интерфакс-Қазақстан.
"Ер адамның денесінің 50 пайызын күйік шалған, тыныс жолдары күйген, жарақаттанған. Ауыр жарақаттар болды. Дәрігерлер оны құтқару үшін қолдан келгеннің бәрін істеді. Бүгін түнгі бірлерде көз жұмды", – деді ол.
Еске сала кетсек, 27 ақпанда Таразда көпқабатты үйлердің бірінде жарылыс болып, үш адамның денесі үйінді астынан табылды. Әртүрлі жарақат алған 4 адам ауруханаға жеткізілді. Оның екеуі кейіннен шығып, бірі әлі жансақтау бөлімінде жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
