Тараз қаласында өрттен үш адам қайтыс болды. Бұл туралы ҚР ТЖМ ресми өкілі Талғат Уәли хабарлама таратты.
Хабарламаға сүйенсек, апат құрбандары – 1936, 1960 және 1982 жылы туған азаматтар. Алдын ала мәліметтер бойынша жеке үйдегі өрт кезінде егде жастағы әйел мен оның ұлы түтінге уланған. Бөлек орналасқан ас үйде тұратын әйелдің немересі өрт сөндіру қызметі келгенше, туыстарын құтқарамын деп өзі де газға уланып қайтыс болған.
"Төтенше жағдайлар департаментінің кезекші бөліміне хабарлама түнде сағат 3:26-да келіп түсті. Өртті сөндіру үшін жеке құрамның 21 адамы мен 5 техникасы жұмылдырылды. Сағат 4:24 минутта өрт толығымен сөндірілді",– деп жазылған ТЖМ ресми өкілі таратқан хабарламада.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
