Таразда тоғыз қабатты үйден өрт шығып, 38 адам эвакуацияланды. Бұл туралы Қазақстанның төтенше жағдайлар жөніндегі комитеттің баспасөз қызметіне сілтемемен sputniknews.kz хабарлайды.
Ведомство мәліметінше, жұма күні 07.29-да төртінші қабаттағы ауданы бес шаршы метр қосалқы бөлмеде өрт шыққан.
"Құтқарушылар 3 адамды құтқарып, 38 адамды эвакуациялады, олардың 12-сі балалар", — делінген хабарламада.
Өрт 07.42-де ауыздықталып, 07.45-те сөндірілді. Бастапқы себебі – электр желісінің қысқаша тұйықталуы.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
