Таразда мектеп дәретханасында 12 жастағы қызды зорлаған адамға қатысты сот үкімі шықты. Ол 25 жыл бас бостандығынан айырылды. Сондай-ақ сотталушы химиялық кастрациядан өткізіледі, деп хабарлайды Atameken Business.
Бұған қоса, жәбірленушіге 5 млн теңге көлемінде моральдық зиянды өтеуге тиіс.
Естеріңізге сала кетсек, былтыр қараша айында 7-сынып оқушысына қаскөй дәретханада зорлық көрсеткен еді. Бақылау камераларында қылмыскердің мектеп айналасында бір сағат жүргені көрінеді. Бірақ оқу орны қызметкерлерінің ешқайсысы күдікті адамға назар аудармаған.
Осы оқиғадан соң мектеп директоры, орынбасары, мұғалім және вахтер қызметінен босатылды. Сондай-ақ, Президент Тараз қаласының әкімі Қайрат Досаевты жұмыстан босатуды тапсырған.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
