Таразда жолдан өтіп бара жатқан 21 жастағы жүкті қыздың үстіне бағдаршам құлады. Бұл туралы КТК арнасы хабарлады, деп жазады inbusiness.kz сайты.
Бұған дейін көлік бағдаршамға жылдамдықпен кіріп кеткен, оның күшінен бағдаршам әйелдің басына құлаған.
Зардап шегуші есінен танып, миы шайқалып ауруханаға түскен. Жүргізуші оқиға орнынан кетіп қалды, кейін полиция оны тауып, екі айыппұл салды.
"Қазіргі уақытта науқастың жағдайы орташа ауырлықта. Жүктілігінің 10 аптасы, маңдай аймағының тері астындағы гематомасы бар. Операциясыз толық жазылады", - деді Тараз қалалық көпсалалы ауруханасы бас дәрігерінің орынбасары Сәкен Жұмашев.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
