Тараз мемлекеттік университеті мен Тараз педагогикалық университеті бірігетін болды. Ал студенттер министрліктің бұл қадамына үзілді-кесілді қарсы. Наразы жаста бұл шешімді өзгертуді талап етеді, деп хабарлайды КТК.
Ал педагогикалық университет басшысы елде мемлекеттік жоғарғы оқу орындарын ірілендіру саясаты басталғанын мәлімдеді.
"Студенттердің қатты алаңдауына негіз жоқ: оқу ақысында да, сабақ процесінде де, сабақ кестесінде де, оқытушылардың сабақ беру тәртібінде де үлкен өзгерістер болмайды",– дейді ТарПУ ректоры Ержан Әмірбекұлы.
Оқу орындарын біріктіру процесі басталғанымен, әлі жүзеге асырылған жоқ. Үкімет қаулысы шыққанша, екі білім ошағы жеке дара жұмыс жасай бермек. ТарМУ-де 13 мыңнан астам студент болса, ТарПУ-де 7 мыңнан астам шәкірт бар.
