Тараздағы "Минералды тыңайтқыштар" зауыты аммофос өндірісінің көлемін жылына 500 мың тоннаға дейін ұлғайту жөніндегі жобаның екінші кезеңін аяқтады, деп хабарлады Жамбыл облысы әкімдігінің баспасөз қызметі.
"10:46 маркалы аммофос өндірісінің көлемін ұлғайту. Екінші кезең" жобасы іске қосылды",– делінген облыс әкімдігінің хабарламасында.
Жобаның құны – 7 млрд теңге.
Жаңғыртуға дейін зауыт жыл сайын 300 мың тонна тыңайтқыш өндірді.
"Минералды тыңайтқыштар" зауыты "Қазфосфат" ЖШС құрамына кіреді. Кәсіпорын фосфор-азот тыңайтқыштарын – аммофос, қарапайым суперфосфат, сульфоаммофос, нитроаммофос, жемдік үшкальцийфосфат, жемдік кальцийнатрийфосфат, техникалық күкірт қышқылын өндірумен айналысады.
Тыңайтқыштар Қазақстан, Қытай, Украина, Белоруссия, Тәжікстан және Аргентина нарығына сатылады.
