Монополист тарифтердің көтерілуін ЖЭО-4 жабдығын жөндеуге жұмсалған шығындардың ұлғаюымен түсіндірді, деп хабарлайды inbusiness.kz.
Бірақ тексеру барысында компанияның 2,2 млрд теңге қаражатты жабдықты жөндеуге жұмсағаны жалған болып шықты.
"Агенттік "Таразэнергоцентр" АҚ-ның басшылығына қатысты жабдықты жөндеуге жалған жұмсалған 2,2 млрд теңгені жымқыру дерегі бойынша жүргізілген тергеп-тексеру шеңберінде "Табиғи монополиялар туралы" ҚР Заңын бұзу қосымша деректері анықтады", – деп жазылған Қаржылық мониторинг агенттігі таратқан хабарламада.
Нәтижесінде Акционерлік қоғамның тарифтерді ұлғайту туралы өтінімін Жамбыл облысы Табиғи монополияларды реттеу комитетінің департаменті қабылдамай тастады.
"ҚР ҚПК-тің 201-бабының талаптарына сәйкес сотқа дейінгі тергеп-тексерудің өзге де деректері тергеу мүддесіне орай жариялауға жатпайды. Іс бойынша тергеп-тексеру жалғасуда" – дейді ҚР ҚҚА баспасөз қызметінен.
