Оның сөзінше, халықаралық тәжірибе тауарларды таңбалау – сауда саласының көлеңкелі айналымын төмендететінін көрсетті. Бұған Бразилия мен Түркияда алкогольді және алкогольсіз сусындар сегментінде салық жиналу көрсеткішінің 20%-дан 142%-ға өскені дәлел.
"Еуропалық Одақ елдерінде цифрлық қадағалау жүйесі 5 жыл ішінде контрабандалық өнім айналымын 30%-ға төмендетті. Америка Құрама Штаттарында дәрі-дәрмекті таңбалау қайтарып алу процесін 3 күннен 10 секундқа дейін жеделдетуге мүмкіндік берді", – деді Бақыт Сұлтанов.
Министрдің мәлімдеуінше, елімізде 6 сала бойынша таңбалау тәртібі енгізіледі.
"Тауар топтарын таңбалауды енгізу арқылы заңды тауар айналымының көлемін 337 млрд, ал бюджет кірісін 58 млрд теңгеге артырамыз", – деді Бақыт Сұлтанов.
Қанат Махамбет
