Қазақстан Республикасы Бәсекелестікті қорғау және дамыту агенттігі жекелеген тауар нарықтарындағы бәсекелестіктің жай-күйіне жыл сайынғы негізде жоспарлы талдау жүргізеді, деп хабарлайды inbusiness.kz.
Талдау нәтижелері экономиканың әртүрлі салаларында бәсекелестікті қорғауға және дамытуға бағытталған шаралар кешенін әзірлеуді алдын-ала анықтайды.
Осылайша, 2026 жылға дейінгі бәсекелестікті қорғау және дамыту тұжырымдамасына сәйкес монополияға қарсы орган жүргізген бәсекелестіктің жай-күйін талдау министрліктердің бәсекелестікті дамыту жөніндегі салалық жол карталарын қабылдауы үшін негіз болып табылады.
Агенттік сарапшылар қауымдастығымен бәсекелестіктің жай-күйін талдауды талқылауды жоспарлап отыр.
"Осыған байланысты, барлық мүдделі тараптарды осы талқылауға белсенді қатысуға шақырамыз. Бәсекелестіктің жай-күйін талдау нәтижелері бойынша тыңдау және қорытынды кестесі қоса беріледі", – деп хабарлады Бәсекелестікті қорғау және дамыту агенттігі.
Айта кететіні, талдау 18 бағыт бойынша жүргізіледі. Оның ішінде энергетика, астық тасымалы, жол инфрақұрылмы сынды салалар бар.
