"Мектептерде қосымша ауысым ұйымдастырылып, үзіліс уақытына өзгеріс енгізіледі. "1 сынып – 1 кабинет" жүйесі жұмыс істейді. Барлық бұқаралық іс-шараларға тыйым салынады", – деді Асхат Аймағамбетов.
Министрдің айтуынша, балабақшалар 20-25 баладан аспайтын топ бойынша штаттық режимде жұмыс істейді. 1- 11-сынып оқушыларына қатаң санитарлық шектеулерді сақтай отырып, оқытуды дәстүрлі форматта жүргізу, колледждер мен жоғары оқу орындарының студенттерін де дәстүрлі форматта оқыту ұсынылады.
"Ата-аналары немесе өздері коронавируспен ауыратын және денсаулығы бойынша тәуекел тобына жататын білім алушыларға уақытша қашықтан оқыту форматында білім алу ұйымдастырылады", – деді Асхат Аймағамбетов.
Үкімет отырысы, білім және ғылым министрлігі, Асхат Аймағамбетов, "1 сынып – 1 кабинет" жүйесі, дәстүрлі оқыту форматы, қашықтан оқу, қашықтан оқыту
