Бүгінде конкурстық комиссия келіп түскен жобаларды қарастырып, үздіктерін іріктеп жатыр. 14 пен 29 жас аралығындағы үміткерлерден 5 бағыт бойынша 410 өтінім түскен.
Ғылым саласында – 77, IT бағытында – 72, мәдениетке қатысты – 47, медиа саласы бойынша 59 жоба ұсынылыпты. Ал ең көп өтінімдер бизнес бағытында түскен 154. Олардың ішінен ең жақсы деген 30-ы таңдалып, авторлары 3 млн теңгеден алады.
Бұл қаражатты жеңімпаздар жобаларын жүзеге асыруға жұмсауы тиіс. Грант иегерлері қарашаның 10-ы күні анықталмақ.
Айта кетейін, "Тәуелсіздік ұрпақтары" гранты тікелей Президенттің бастамасы. Ол ел егемендігінің 30 жылдығына орай жалынды жастардың тың идеяларын қаржылай қолдауға бағытталған.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
