/img/tv1.svg
RU KZ
Таулы Қарабақтағы қақтығыс ушығып барады

Таулы Қарабақтағы қақтығыс ушығып барады

Таулы Қарабақтағы жағдайдың тоқтайтын түрі жоқ.  

28 Қыркүйек 2020 23:33 330

Таулы Қарабақтағы қақтығыс ушығып барады

Басында Армения мен Әзербайжан мылтық алып, қарулы қақтығысқа түссе, енді ауыр артиллерияны қолдануға көшкен, деп хабарлайды Аtameken Business.

Баку мен Ереванды ресми Кремль сабырға шақырса, Түркия Әзербайжанды ашық қолдап отыр. Ердоғанның әскерлері даулы аймақта соғысып жатқаны рас па? Өзге елдер кімді жақтап отыр? 

Әзербайжан қарулы күштері шабуыл жасауға дайындалып жатыр

Тараптар әлі келісімге келмеді. 

29 Қыркүйек 2020 11:30 194

Әзербайжан қарулы күштері Қарабаққа тағы да шабуыл жасауға дайындалып жатыр. Армения қорғаныс министрлігі осындай ақпарат жариялады. 

27 қыркүйекте Әзербайжанның қорғаныс министрлігі Армения әскерилері Қарабақтағы жанасу шегіндегі елдімекендерге оқ жаудырды, салдарынан бейбіт тұрғындар мен әскерилер қаза тапты деп мәлімдеген еді. Армения қорғаныс министрлігінің айтуынша, Қарабаққа әуе және зымыран шабуылы жасалған. Ресми Ереван Әзербайжан Қарабақ бағытында шабуылды бастады дегенді айтты. Ал Таулы Қарабақ республикасы аймақтағы елдімекендердің тұрғындарына зеңбіректен оқ атылды деп мәлімдеп, соғыс жағдайын енгізді.
АҚШ, Ресей, Франция сияқты мемлекеттер осы өңірдегі шиеленісті сынап, тараптарды келіссөздер жүргізуге шақырды. Түркия болса, осы шиеленіс жағдайында Әзербайжанға қолдау көрсететін білдірді.

Табиғат Нұрболат
 

Армения Қарабақтағы қақтығысқа Түркия араласты деп отыр

27 қыркүйекте Ресей мен Түркия осы шиеленісті талқылаған еді. 

28 Қыркүйек 2020 17:56 430

Армения сыртқы істер министрлігі Таулы Қарабақтағы әскери әрекеттерге Түркияның тікелей қатысы бар деген мәлімдеме жасады. Ведомство жариялаған құжатта Анкараның 90-шы жылдары Бакуды қолдағаны жазылған. Ереванның ойынша, қазіргі қолдау мүлдем бөлек.Түркия әскери әрекеттерге тікелей кірісіп отырған көрінеді. 

Армения қорғаныс министрлігі де Қарабақта түркиялықтардың әзербайжандықтармен бірігіп армениялық әскерилермен шайқасып жатқанын айтты. 

Ескере кететін жайт, Армения мен Әзербайжанның Таулы Қарабақтың қай тарапқа тиесілі екені жайында ортақ келісімге келе алмай жүргеніне ондаған жыл болды. Шиеленіс 1988 жылдың ақпанында басталған еді. Яғни осы кезде Таулы Қарабақ автономды облысы Әзербайжан құрамынан шығатынын мәлім етті. 1992-1994 жылдары болған қақтығыста Баку Таулы Қарабақ пен оған жақын орналасқан жеті ауданнан айырылып қалған болатын.

Табиғат Нұрболат