Газа қаласында гуманитарлық көмек алу үшін жанталасқан адамдар шабуылға ұшырап, 112 палестиналық қаза тапты, деп хабарлайды inbusiness.kz сайты.
Qazaqstan арнасының мәліметінше, жараланғандар 760-қа жетіп отыр. Куәгерлердің сөзінше, жүк машиналарына жүгірген халыққа Израиль жауынгерлері оқ жаудырған.
Алайда Израиль әскерилері бұны жоққа шығарып, танкілердің ескерту жасап, аспанға оқ атқанын мәлімдеп отыр.
Таяу Шығыста жаңа соғыс 7 қазанда хамастықтар Израильдің оңтүстігінде 1200 тұрғынды өлтіріп, жүздеген адамды кепілге алғаннан кейін басталды.
Содан бері Израильдің Газаға жасап жатқан шабуылдарынан мерт болғандар саны бүгін 30 мыңнан асып кетті. Құрбандардың 21 мыңы - балалар.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
