Ағымдағы жылдың 10 қаңтары мен 15 қаңтары аралығында Қырғызстанның Баткен қаласында Тәжікстан мен Қырғызстанның үкіметтік делегацияларының топографиялық жұмыс топтары мен құқықтық мәселелер жөніндегі топтарының мемлекетті анықтау және шекара белгілеу мәселелері бойынша кезекті отырысы өтті. Бұл туралы inbusiness.kz сайты Asia-PLUS порталына сілтеме жасап хабарлайды.
"Тараптар Тәжікстан Республикасының аумағында өтетін келесі кездесуде қалған учаскелерді сипаттау бойынша жұмысты жалғастырады", - деп түсіндірді НИАТ "Ховар" агенттігі.
АКИргеѕѕ агенттігі хабарлағандай, Қырғызстан мен Тәжікстан Кулунду, Максат және Арка бағыттары бойынша түбегейлі келісімге қол жеткізді.
"Біз негізгі іргелі мәселелерді талқыға салдық. Өмірлік маңызды шешімдер орын алды. Бұл – Кулунду, Максат, Арка, Хистеварз бағыттарына қатысты. Сондай-ақ, бұл мәселелер бойынша принципті келісімге қол жеткізілді. Осыған байланысты, біз хаттама мен құжат дайындадық. Барлық тараптар толық келіседі. Біз алға қарай өте маңызды қадам жасаймыз", - деді ол.
Айта кету керек, кездесу нәтижесінде жұмыс топтары тәжік-қырғыз шекарасының 38,35 шақырымы бойынша келісімге келіп, тиісті хаттамаға қол қойылды.
Естеріңізге сала кетейік, Тәжікстан мен Қырғызстанның ортақ шекарасы 970 шақырымды құрайды. Ал, бірнеше жүз шақырымдық байланыс желісі әлі нақты анықталып, белгіленбеген. Сондай-ақ, тараптардың кездесулері бір-бірінің аумағында кезектесіп өткізілетін болады.
