Дегенмен Тәжікстан билігі маймыл шешегінің таралуын болдырмау үшін шаралар қабылдауда, деп жазады inbusiness.kz сайты.
Денсаулық сақтау және халықты әлеуметтік қорғау министрлігінің Мемлекеттік санитарлық-эпидемиологиялық қадағалау қызметі басшысының орынбасары Навруз Джафаров агенттікке мәлімдегендей, инфекцияның елге енуіне осы ауру бойынша халықаралық стандарттарға сәйкес тосқауыл қойылады.
"Бақылау бекеттерінде көбірек, әсіресе визуалды тексеру болуы керек. Әдетте, бұл аурумен ауыратын адамдарға тез диагноз қойылады және олар саяхаттамайды", — деді ол.
Джафаровтың айтуынша, маймыл шешегінің Тәжікстанға ену ықтималдығы өте аз. Соған қарамастан, көрші елде халық арасында ақпараттық-түсіндіру іс-шаралары қолға алынған.
"Ауру тек теріге тию арқылы таралады, басқа инфекциялардан айырмашылығы, маймыл шешегі ауа арқылы таралмайды", — деп еске алды ол.
Маймыл шешегінің жағдайлары Африканың 17 елінде анықталды, онда аурудың салдарынан 1,4 мыңнан астам адам қайтыс болды. Сонымен қатар, инфекция жағдайлары Филиппин мен Швецияда тіркелді.
14 тамызда ДДҰ аурудың өршуіне байланысты төтенше жағдай режимін жариялады.
