Бұл туралы Reuters хабарлайды, деп жазады inbusiness.kz.
Агенттік Республиканың Энергетика және су министрі Далер Джуманың Тәжікстанның 2030 жылға қарай 10 гигаватт жаңартылатын энергия қуатына ие болуды жоспарлап отырғаны жайлы мәлімдемесін негізге алып отыр.
"Біз толығымен мұнай өнімдерінің импортына тәуелдіміз және жасыл сутегі өндірісінің жол картасын жасап жатырмыз", — деді Джума.
Халықаралық энергетикалық агенттіктің мәліметінше, Тәжікстан өзінің гидроәлеуетінің тек 4%-ын пайдаланып отыр.
Министр Республиканың 2030 жылға қарай 500 мың тонна жасыл сутегін өндіруге және "қолжетімді бәсекеге қабілетті электр энергиясының" арқасында 2040 жылға қарай бұл көрсеткішті екі есеге арттыруға ниетті екенін хабарлады. Ол бұл көлемнің 75%-ы Орталық Азия елдеріне экспортқа бағытталатынын айтты.
