Тәжікстанның күш құрылымдары елдің шығысындағыТаулы Бадахшан автономиялық облысында терроризмге қарсы операция жүргізуде, деп хабарлайды inbusiness.kz елдің ІІМ-нің ресми мәлімдемесіне сілтеме жасап.
"Ұйымдасқан қылмыстық топтың мүшелері қоғамдық-саяси жағдайды тұрақсыздандыру үшін Таулы Бадахшан автономиялық облысының Рушан ауданындағы автожол учаскесінде "Душанбе-Кульма" халықаралық жолын жауып тастады", – деп жазылған хабарламада.
Ведомство хабарлауынша, осыған байланысты азаматтардың қауіпсіздігін, қоғамдық тәртіпті қамтамасыз ету және "Душанбе-Кульма" халықаралық көлік жолы бойынша көліктердің кедергісіз қозғалысын қалпына келтіру үшін құқық қорғау органдары терроризмге қарсы операцияны бастаған.
Ресми дерек бойынша, қылмыскерлер халықаралық террористік ұйымдардың қолдауымен қару-жарақ пен оқ-дәрілер алып, террористік актілер мен басқа да арандатуларды жүзеге асыру үшін шетелдік баскесерлерді жұмылдырған.
"Бұл әрекет конституциялық құрылыстың негіздеріне қайшы. Ұйымдасқан қылмыстық топтар құқық қорғау органдары қызметкерлерінің қару мен оқ-дәрілерді тапсыру туралы талаптарын орындамады, сондықтан олардың арасында қақтығыс басталды", – деп жазылған ведомство мәлімдесінде.
Табиғат Нұрболат
Фото: vesti.az
