/img/tv1.svg
RU KZ
Hang Seng 27 316,53 DOW J 28 998,32
FTSE 100 7 403,92 РТС 1 524,71
KASE 2 373,34 Алтын 1 645,90
Тәжікстанда салынған жаңа МӨЗ шикізатты Қазақстаннан алады

Тәжікстанда салынған жаңа МӨЗ шикізатты Қазақстаннан алады

Өндіріс ошағы толық қуатына көшкенде жылына 1,2 млн тонна мұнай өңдейтін болады. Ал біздің елден экспортталған мұнайдан тәжіктер жанар жағармай өндірмек.

27 Шілде 2018 18:44 281

Тәжікстанда салынған жаңа мұнай өңдеу зауыты шикізатты Қазақстаннан алатын болады, деп хабарлайды Atameken Business.
«Дангара» арнайы экономикалық аймағы басшысының орынбасары Сафарали Тайфуровтың сөзінше жаңа мұнай өңдеу зауытының қуаттылығы жылына 500 мың тоннаға жетеді. Ол қыркүйек айында жұмысын бастамақ.
Өндіріс ошағы толық қуатына көшкенде жылына 1,2 млн тонна мұнай өңдейтін болады. Ал біздің елден экспортталған мұнайдан тәжіктер жанар жағармай өндірмек.
Әу баста Тәжікстан билігі мұнайды Ираннан алуды көздепті. Алайда Иранның Батыспен теке-тіресінен кейін тәуекелге бармауды ұйғарып, бас тартқан.

inbusiness.kz-ті қараңыз, оқыңыз :

Қазақстан Беларусьқа мұнай экспортын темір жол арқылы жеткізуі мүмкін

Осы аптада шикізат «Дружба» құбыры арқылы  Атырау-Самарадан жеткізілуі мүмкін.  

30 Қаңтар 2020 22:17 256

Қазақстан Беларусьқа мұнай экспортын темір жол арқылы жеткізуі мүмкін, деп хабарлайды Atameken Business.  

Энергетика министрлігі Атамекен бизнес арнасының ресми сауалына осындай жауап беріп, қазір тасымалдың бұл түрінің экономикалық тиімділігі есептеліп жатқанын жеткізді. Әйтпесе, бұған дейін Ресей арқылы транзит магистралімен шығару да қарастырылған. Бірақ келісім әзірге тұраланып тұр. Еске салсақ, бұған дейін Беларусь Президенті Александр Лукашенко Қазақстанға келген ресми іс сапарында Қазақстаннан мұнай алуға ниетті екендігін айтып, Үкіметаралық уағдаластықты жасауды ұсынған болатын. Осы аптада шикізаттың «Дружба» құбырымен Атырау-Самарадан жеткізілуі мүмкін екені де айтылды. Экспорт көлемі жылына 1 млн-нан 3,5 млн тоннаға дейін барады деп қарастырылған.

Қазақстан мен Қытай арасындағы мұнай саудасы әлі тоқтап тұр

«ҚазТрансОйл» құбыры арқылы Ресей мұнайы ғана экспортталуда.

29 Қаңтар 2020 11:04 81

16 қаңтар күні  «СНПС-Ақтөбемұнайгаз» компаниясының мұнайын «ҚазТрансОйл» магистралдық құбырына жалғау кезінде сынаманың құрамынан 204 градусқа дейін қайнайтын хлорорганикалық қоспалардың мөлшері шектен тыс екені анықталған болатын. Мұнай сапасынан мін табылғандықтан «СНПС-Ақтөбемұнайгаз» өнімін қабылдау сол күні дереу тоқтатылып, артынша Қазақстан Қытайға мұнай экспортын доғарған. Қазір «ҚазТрансОйл» құбыры арқылы тек Ресейдің мұнайы тасымалданып жатыр.

Ресейлік «Транснефть» компаниясының басшысы Николай Токарев «Интерфакс» сайтына сұхбат беріп, Ресей мұнайы Қазақстан арқылы еш кедергісіз кетіп жатқанын айтты.

«Бұл тұрғыда проблема жоқ. Мұнай жоспарлы мөлшермен кетіп жатыр», – деді ол сұхбатында.

Әзірге Қазақстан Қытайға бағытталған мұнай экспортын жандандыруға асығар емес. Еске салсақ, отандық мұнай тасымалдаушылардың Қытайға бір жыл ішінде 10 млн тонна мұнай жеткізу туралы міндеттемесі бар.

Жаңалықтарға жазылу: