Тәжікстанда салынған жаңа мұнай өңдеу зауыты шикізатты Қазақстаннан алатын болады, деп хабарлайды Atameken Business.
"Дангара" арнайы экономикалық аймағы басшысының орынбасары Сафарали Тайфуровтың сөзінше жаңа мұнай өңдеу зауытының қуаттылығы жылына 500 мың тоннаға жетеді. Ол қыркүйек айында жұмысын бастамақ.
Өндіріс ошағы толық қуатына көшкенде жылына 1,2 млн тонна мұнай өңдейтін болады. Ал біздің елден экспортталған мұнайдан тәжіктер жанар жағармай өндірмек.
Әу баста Тәжікстан билігі мұнайды Ираннан алуды көздепті. Алайда Иранның Батыспен теке-тіресінен кейін тәуекелге бармауды ұйғарып, бас тартқан.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
