Тәжікстанмен шекарадағы қақтығыстан зардап шеккен қырғыз азаматтарының саны 178-ге жетті, деп мәлімдеді елдің денсаулық сақтау министрінің орынбасары Ализа Солтонбекова, деп хабарлайды inbusiness.kz Интерфаксқа сілтеме жасап.
"2 мамырдағы жағдай бойынша Тәжікстанмен шекарадағы қақтығыс салдарынан жарақат алған Қырғызстан азаматтарының саны 178 адамға жетті, 34 адам қаза тапты", - деді Солтонбекова
Оның айтуынша, бір күн бұрын тәжік тарапы бұрын кепілге алынған Қырғызстанның он азаматын экстрадициялаған. "Олардың бесеуі ауруханаға жатқызылды", - деді Солтонбекова.
Министрдің орынбасары қақтығыс аймағынан 33 мың 380 адам эвакуацияланғанын, олардың 19 мыңға жуығы балалар екенін айтты.
Бұған дейін, сенбідегі жағдайға сәйкес, төрт күндік қақтығыс кезінде қырғыз тараптан 173 адам жарақат алды, 34 адам қаза тапты, қаза тапқандар арасында үш қырғыз әскери қызметкері болды. 1-2 мамырда Қырғызстанда ұлттық аза тұту күндері жарияланған.
Тәжікстан тарапынан қақтығыстың құрбандары сегізден онға дейін жетті, 90-нан астамы жарақат алды, деп хабарлады жергілікті БАҚ. Әзірге Душанбеден ресми мәліметтер жоқ.
Сенбіде Қырғызстанның Ұлттық қауіпсіздік мемлекеттік комитетінің (ҰҚК) басшысы Камчыбек Ташиев пен Тәжікстанның Ұлттық қауіпсіздік комитетінің басшысы Саймумин Ятимов Баткен облысында өткен кездесудің қорытындылары бойынша атысты тоқтату және оларды одан әрі тұрақты орналастыру орындарына шығару үшін шекара маңындағы әскерлерді бірлескен тексеру туралы хаттамаға қол қойды.
