Тәжікстанның Хатлон облысында арақ-шарап шығаратын үш зауытқа айыппұл салынды. Тағы бір шарап зауытының лицензиясы екі жыл мерзімге алынған. Билік өкілінің хабарлауынша, "Тәжікстан", "Кухсори Хатлон", "Хуррамзамин" және "Форсиён" кәсіпорындары арақтың құрамында спирттің көлемін азайтқан және талапқа сай келмейтін ыдысқа құйған. Бұл туралы qazaqtimes.com жазып отыр.
"Тексеру билік өкілдерімен бірлесіп жүргізілді. Ішімдіктің үлгісін алып тексерген кезде, талаптарға сәйкес келмейтіні анықталды. Барлық кәсіпорынға айыппұл салынды. Олар олқылықтарды қалпына келтіргеннен кейін ғана жұмысын қайта жалғастыра алады", - деп атап өтті "Тәжікстандарт" өкілі Шодимат Раджабов. "Кухсори Хатлон" кәсіпорнының директоры Раджабали Одинаев компанияға 15 мың сомони (1,6 мың доллар) айыппұл салынғанын растады.
