Эль-Пасо қаласының сауда орталығында белгісіз адам келушілерге оқ жаудырған. Кем дегенде бір адам қайтыс болды, тағы үшеуі жарақат алды, деп хабарлайды inbusiness.kz DW сайтына сілтеме жасап.
Кем дегенде бір адам қаза тауып, тағы үшеуі АҚШ-тың Техас штатындағы Эль Пасо қаласындағы Cielo Vista Mall фуд-корты жанындағы атыста жарақаттанды.
Бір күдікті ұсталды, полиция оның сыбайласын іздеуді жалғастыруда, деп хабарлады Reuters полиция өкілі Роберто Гомеске сілтеме жасап. Сержант Гоместің айтуынша, сауда орталығында жаудырылған оқ адамдардың зәресін ұшырып, жан-жаққа қашуларына себеп болды.
Полиция қала тұрғындарын оқиға орнына жақындамауға шақырды, өйткені осы сынды әрекеттер жалғасын табуы мүмкін.
CNN-нің хабарлауынша, жараланған екі ер адам қазір Эль Пасо университетінің медициналық орталығында ауыр жағдайда жатыр. Үшінші жәбірленушінің жағдайы туралы деректер әлі болған жоқ.
