Майлыбек күннен-күнге танымал болып келеді, деп хабарлайды inbusiness.kz сайты.
Ең қызығы оған тек қазақ тілінде сөйлеп, бұйырса, өтініш айтса құйрығын бұлғаңдатып, айтқанын екі етпей орындайды.
Майлоның иесі – Алматы қаласының тұрғыны Темірлан Доспаев. Ресейден көшіп келген ол соңғы үш жыл Майло өзіне сенімді серік болғанын айтады.
"Жасым қазір 29-да. 26-ға толған кезімде достарым оны маған туған күніме тарту етті. Мұндайды күтпеген едім. Ол кезде Майлоға небәрі 4 ай толған еді. Тұқымы – парсон-рассел-терьер. Өз басым ит асырауды бала күнімнен армандап келдім. Джим Керри ойнаған "Маска" фильмін қызыға көретінмін. Бірақ өзімнің баспанам болғанда асырармын деп жүргенмін. Сыйға бергендіктен бас тарта алмадым", – дейді ол.
Сүйкімді төбеттің қылықтарына сүйсінген желі қолданушылары түрлі пікір қалдырып, таңданыстарын білдірді.
