2020 жылдың қаңтар-шілде айларында елімізде 7,2 млрд шылым, сигара және өзге де темекі өнімдері шығарылды. Бұл көрсеткіш өткен жылдың сәйкес кезеңінен 5,5%-ға жоғары, деп хабарлады energyprom.kz.
Қазақстанда тәулігіне жалпы сомасы 84,7 млрд теңгеге өнім шығарылған.
2019 жылы 17,4 млрд қаптама әзірленген еді. Яғни, өткен жылы көрсеткіштер 2018 жылмен салыстырғанда 4,1%-ға төмен деген болатын.
2020 жылдың бес айының қорытындысы бойынша қазақстандық компаниялар еліміздегі сұраныстың 74,3%-ын қанағаттандырған. 2019 жылы жергілікті өндірушілер нарықтың 32,6%-ын ғана қамтыған. Ал биыл импорттық өнімдер 25,7%-ды құрады. Яғни, сырттан келетін шылым көлемі 5,4 есе қысқарған. Бұған қоса отандық кәсіпорындар шығарған өнімдерінің 15,1%-ын экспорттаған.
Ішкі нарықта бөлшек саудадағы темекі қаптамасының орташа бағасы 483,5 теңгені құрады. Бұл бір жыл бұрынғы көрсеткіштен 11,7%-ға жоғары. Еліміздегі ең қымбат шылым өнімдері Ақтөбеде тіркелген. Мұнда бір қаптаманың құны 525 теңге.
Құралай Құдайберген
