/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 434,31 Brent 36,55
Темекі шегетіндердің коронавирусқа шалдығу ықтималдығы жоғары – дәрігер

Темекі шегетіндердің коронавирусқа шалдығу ықтималдығы жоғары – дәрігер

Темекі тартатын адамның өкпесі оттегіні көбірек қажет етеді.

06 Шілде 2020 15:19 291

Темекі шегетіндердің коронавирусқа шалдығу ықтималдығы жоғары – дәрігер

Бұл туралы Медицина ғылымдарының кандидаты, доцент, «Астана медицина университеті» КЕАҚ жедел медициналық көмек, анестезиология және қарқынды терапия кафедрасының меңгерушісі Нұрила Малтабарова онлайн өткен брифинг кезінде мәлім етті.

«Темекі мен электронды сигарет тартушылар тәуекел тобына жатады. Өйткені өкпе тініне никотиннің тигізер залалы зор. Өкпеде газ алмасу процесі жүреді. Оттегі кіріп, көмірқышқыл газы шығып, өкпені желдетіп отырады. Егер адам ұзақ уақыт электронды болса да, шылым шексе, өкпесі оттегіні көбірек қажет етеді. Аурудың алдын алу шараларының бірі ретінде немесе ауру жеңілірек өтуі үшін темекіні тастаған жөн. Коронавирус кезінде оттегінің жетіспеушілігі болады. Сол себепті, өкпеге тиетін залал өте зор», – деді Нұрила Малтабарова.

Нұржан Көшкін
 

Отандық кәсіпорындар мыңға жуық дәрі-дәрмек шығарады – вице-министр

Елдегі 89 фармацевтикалық кәсіпорын дәрі-дәрмек пен медициналық бұйымдар өндіруде. 

11 Шілде 2020 13:43 231

Отандық кәсіпорындар мыңға жуық дәрі-дәрмек шығарады – вице-министр

Индустрия және инфрақұрылымдық даму вице-министрі Аманияз Ержанов елдегі дәрі-дәрмек өндірісі жайлы айтты. 

«Мемлекетіміздің фармацевтика өнеркәсібінде 89 кәсіпорын дәрілік заттар және медициналық бұйымдар өндіруді жүзеге асыруда. Оның ішінде дәрілік заттарды 33, медициналық бұйымдарды 41 және медициналық техника өндірісінде 15 кәсіпорын жұмыс істейді. Дәрілік заттар негізінен Алматы, Шымкент және Алматы облысындағы 10 кәсіпорында, Қарағанды және Ақтөбе облысындағы бір-бір кәсіпорында өндіріледі. Отандық кәсіпорындар мыңға жуық дәрі-дәрмек шығарады. Олардың ішінде жедел респираторлық ауруларды және олардың асқынуларын емдеуге арналған, вирусқа, қабынуға қарсы дәрілік препараттар мен антибиотиктер бар», – деді Аманияз Ержанов. 

Нұржан Көшкін
 

Еілімізде алғаш рет өкпені жасанды желдету аппараты құрастырылып жатыр

Отандық өндірушілер жыл соңына дейін 3 мың өкпені жасанды желдету аппаратын шығарады.

11 Шілде 2020 13:12 314

Еілімізде алғаш рет өкпені жасанды желдету аппараты құрастырылып жатыр

Индустрия және инфрақұрылымдық даму вице-министрі Аманияз Ержанов елдегі өкпені жасанды желдету аппараттарын шығару мәселесіне тоқталды. 

«Қажеттілікті есепке ала отырып, отандық өндірушілер жыл соңына дейін 3 мың өкпені жасанды желдету аппаратын шығарады. Бұл – айына 550 дана. Алғашқы ӨЖЖ аппараты осы айда құрастырылады. Қосымша қажеттілік туындаса, басқа да өндірушілер айына 280, яғни жыл соңына дейін 1900 аппарат жасап шығады», – деп айтып өтті Аманияз Ержанов.

Вице-министрдің сөзінше, алғашқы аппарат қазір Денсаулық сақтау министрлігіне сынақтан өткізуге берілген.

«Сынақ сәтті өтсе, кәсіпорындар аппараттарды құрастыруға дереу кіріседі. Шетелдік әріптестер технологиялар мен құрамдас бөлшектерді бізге тапсырады. Ал «Тыныс» акционерлік қоғамы мобилді ӨЖЖ аппараттарын жасауды қолға алды. Компания шілде айының соңына дейін Денсаулық сақтау министрлігі мен әкімдіктерге 270 дана мобильді ӨЖЖ аппаратын жеткізеді. Кәсіпорынның айына 500 ӨЖЖ аппаратын шығаруға мүмкіндігі бар. Сондықтан елдегі қажеттілікті біліп, әзір болу үшін барлық өңірге қанша аппарат қажет екенін хабарлауы үшін хат жолдадық. Бұдан бөлек, жедел жәрдем көліктеріне мобильді қондырғылар орнату үшін еліміздің көлік құрастырушыларымен жұмыс жасап жатырмыз. Осылайша қосымша қажеттілікті ескере отырып, отандық өндірушілер жылдың соңына дейін 4930 стационарлық және 2695 мобильді ӨЖЖ аппаратын жасайды», – деді ол.

Нұржан Көшкін