Болат пен темір рудасы бағасы сейсенбі күні биылғы наурыздан бергі рекордтық деңгейге құлдырады.
Мәлім болғандай, дүйсенбіде АҚШ президенті Дональд Трамп ҚХР-мен сауда соғысын одан әрі күшейтіп, тағы сомасы 200 млрд АҚШ доллардың импортталатын қытай тауарларына 10 пайыз баж салығын салуға дайын екенін айтқан болатын.
Сейсенбіде Шанхайда болат арматураның фьючерстері 4,3 %-ға арзандап кетті, бұл 29 наурыздан бергі рекордтық құлдырау болды, деп хабарлайды Bloomberg. Сауда қорытындысы бойынша, құлдырау 3,4 %-ды құрап, сауданың жабылу сәтінде баға тоннасына 3,769 мың юань ($585) болды. Далянь биржасында темір кенінің бағасы 6,4 %-ға төмендеді (бұл 23 наурыздан бергі ең үлкен құлдырау), сауданың жабылар сәтінде құлдырау 5 %-ды құрады. Ыстықтай жаншылған илем сейсенбіде 3,1 %-ға арзандап кетті.
