Теміртау қаласының тұрғыны терроризмді насихаттағаны үшін бас бостандығынан айырылды, деп жазады inbusiness.kz ҰҚК баспасөз қызметіне сілтеме жасап.
Ұлттық қауіпсіздік комитетінің мәліметіне сәйкес, 21 қараша күні терроризмді насихаттау фактісі бойынша Теміртау қаласының тұрғыны Д.Ш.-ға қатысты Қарағанды қаласы Қазыбек би аудандық сотының айыптау үкімі заңды күшіне енді.
"Тергеу және сот оның жергілікті тұрғындар арасында, сондай-ақ әлеуметтік желілерде радикалдық діни идеологияны таратқанын анықтады. Қылмыстық іс материалдарымен оның кінәсі толық дәлелденді. Ол 7 жыл 6 айға бас бостандығынан айыру жазасына кесілді. Фигурантта ауыр қылмыс жасағаны үшін соттылығы болған", - делінген хабарламада.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
