Теміртауда бөтеннің көлігінен қомақты ақша ұрлаған жасөспірімдер ұсталды, деп хабарлайды inbusiness.kz сайты.
Теміртау қалалық полиция басқармасына қарасты Шығыс полиция бөлімінің қызметкерлерімен жүргізілген жедел-іздестіру іс-шаралары барысында ұрлық жасады деген күдікпен 13 және 14 жастағы жасөспірімдер ұсталды.
Жасөспірімдер түнгі уақытта қаладағы көпқабатты үйлердің бірінің ауласында тұрған автокөліктің ішіне кіріп, одан 4 миллион теңге ақша ұрлап кеткен.
Күдіктілер жасаған қылмыстарын мойындады. Тәртіп сақшылары айғақ заттарын тәркіледі.
Бұл дерек бойынша қылмыстық іс қозғалып, тергеу амалдары жүргізіліп жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
