Теміртауда Qarmet компаниясының стратегиялық сессиясы ашылды, деп хабарлайды inbusiness.kz сайты.
Оған компанияның барлық құрылымдық бөлімшелері – Болат, Темір рудасы және Көмір департаменттері басшылығы қатысып жатыр.
Сессияның 2024 жылғы мақсат мен міндеттерге назар аударуын диалог алаңының модераторы – McKinsey&Co компаниясының бұрынғы серіктесі және "Триада" компаниясының басқарушы серіктесі Сергей Заборов белгіледі:
"Qarmet-те болып жатқан өзгерістерді ескере отырып, қысқа мерзімді жоспарларды синхрондау аса маңызды. Осыған іске жұмсаған біздің уақытымыз бұл компанияның үлкен инвестициясы. Мен бұл уақытты біз тиімді пайдаланамыз деген сенімдемін", - деді ол.
Компанияның бас директоры Вадим Басин барлық өндірістік жоспарларда биыл көңіл көншітер сандар бар екенін атап өтті:
"Металлургия өндірісін 13%-ға 3,3 млн тоннаға дейін, темір кені концентратын өндіруді 10%-ға 2,5 млн тоннаға дейін арттыруды көздеп отырмыз. Алайда көмір өндіру көлемін 2%-ға төмендетуді қабылдадық. Айта кету керек, 2023 жылы компанияның өндірістегі көрсеткішіне сын тағылды. Енді біз оң нәтижеге қол жеткізуіміз керек", - деді Вадим Басим.
Стратегиялық сессия екі күнге созылады.
