Әйтседе биыл бұл салада қызмет құны 4,9%-ға қымбаттады. Мәселен, өңірлер бойынша ең жоғары көрсеткіш — 9,6% Шығыс Қазақстанда тіркелген, деп хабарлады energyprom.kz.
Қызмет құны екі облыста арзандаған. Олар – Атырау (12,9%) және Қызылорда (1,2%) облыстары.
2020 жылдың қаңтар-қазанында теміржол көлігі саласындағы компаниялардың кірісі
805,1 млрд теңгені құрады. Бұл соманың 95,3%-ы немесе 767,1 млрд теңге жүк тасымалына тиесілі. Ал жолаушы тасымалының үлесі бар болғаны 4,7% немесе 37,9 млрд теңге.
Аталған кезеңге теміржол көлігі қызметін 9,4 млн жолаушы пайдаланған. Бұл өткен жылдың сәйкес кезеңінен 48,6%-ға аз. Ал тек қазан айында пойызбен 1 млн жолаушы діттеген жеріне жетті. Осылайша өткен жылдың қазанынан көрсеткіш 41,6%-ға төмендеген.
Алайда биыл теміржол көлігімен 340,2 млн тонна жүк тасымалданды. Бұл өткен жылдың сәйкес кезеңінен 1,3%-ға жоғары. Тек қазан айының өзінде 37,8 млн тонна жүк жеткізілген. Осылайша көрсеткіш өткен аймен салыстырғанда 7,3%-ға өсті.
Құралай Құдайберген
