"Қыркүйекте дизель отынына бағаның өсуі 3,8%-ды құрады, ал жекелеген облыстарда 10%-дан асты. Өндірістің өсуіне, сондай-ақ экспорттың тоқтатылуына қарамастан, инфляциялық қысымды күшейтетін және басқа тауарларға жанама әсер ететін дизель отынының тапшылығы байқалды", – деді Ерболат Досаев.
Ұлттық банк төрағасы мұнай бағасының өсуіне қарамастан, ішкі нарықтағы сұраныс теңгенің айырбас бағамына қысым көрсетіп жатқанына тоқталды.
"2021 жылғы 9 айда биржада екінші деңгейлі банктердің сатып алуы 19%-ға ұлғайды және 2021 жылғы 7 айда тұтыну тауарлары импортының 25%-ға ұлғаюы аясында орташа алғанда айына 2,6 млрд долларға жетті. Фискалдық ынталандыру, зейнетақы жинақтарын пайдалану да импорттың ұлғаюы мен шетел валютасына деген сұраныстың өсу факторына айналды", – деді Ерболат Досаев.
Қанат Махамбет
