Ұлттық валютадағы кредит көлемі бір айда 1,2%-ға немесе 13 792,7 млрд теңгеге өсті. Оның ішінде заңды тұлғаларға берілген кредит көлемі 3,5%-ға төмендесе, жеке тұлғаларға берілген кредит 4,2%-ға ұлғайды.
"Шетел валютасындағы кредит көлемі 4,2%-ға немесе 928,8 млрд теңгеге азайды. Заңды тұлғаларға берілген кредит 4,1%-ға, жеке тұлғаларға берілген кредит 10,7%-ға төмендеді. Теңгемен берілетін кредит көлемі 87,7%-ға жетті", – деп нақтылады Ұлттық банктің баспасөз қызметі.
Белгілі болғандай, ұзақмерзімді кредит көлемі бір айда 0,3%-ға немесе 13 457,9 млрд теңгеге азайды. Ал қысқамерзімді кредит көлемі 1,6%-ға немесе 2 263,7 млрд теңгеге ұлғайды.
"Шағын кәсіпкерлік субъектілерін кредиттеу 3,6%-ға немесе 2 724,7 млрд теңгеге қысқарды", – деп жазылды Ұлттық банктің қаржы нарығындағы ахуал туралы есебінде.
Қанат Махамбет
