Ұлттық банк басшысы Тимур Сүлейменовтың айтуынша бұл көрсеткіш инфляцияға аса әсер етпеуі тиіс, деп хабарлайды Inbusiness.kz сайты.
"Биыл теңге біраз, 1,5-2% мөлшерінде әлсірейді, оның қатты әсері болмайды. Теңге өзінің о бастағы, тұрақты деңгейіне оралады. Доллардың ішкі инфляцияға әсерін қарар болсақ, бәрі біз қаншалықты долларды сауда-саттық жүргізетінімізге байланысты. Ал Ауыл шаруашылығы министрлігі деректеріне сенсек, біз өз-өзімізді толыққанды дерлік азық-түлікпен қамтамасыз етіп отырмыз, яғни долларға тәуелділік жоқ", - деді Сүлейменов.
Екіншіден, оның айтуынша, қалған азықты біз көбіне Ресейден аламыз. Мәскеумен сауда-саттықта біз 88% ұлттық валютаны (теңге не рубль) қолданамыз, сондықтан бізге теңге-доллар курсынан, теңге-рубль курсы маңыздырақ.
