Батыс Қазақстандағы Теңіз мұнай кен орнында коронавирустық инфекция жұқтырғандардың саны 269-ға жетті, деп мәлімдеді Айжан Есмағамбетова.
"Бүгінде Теңіз кен орнында 269 жағдай тіркелді", – деді мемлекеттік бас санитарлық дәрігер.
Айжан Есмағамбетованың айтуынша қазіргі кезде вахталық жұмысшылар арасында індеттің таралмауын қамтамасыз ету үшін Энергетика министрлігі мен Атырау облысының әкімдігі бірігіп арнайы жоспар әзірлеуде.
Еске сала кетсек, Теңіз мұнай кен орнында коронавирустық инфекция жұқтырудың алғашқы жағдайы 8 сәуірде тіркелген. Вахталық режим бойынша жұмыс істейтін қалалар шекаралары жабылып, блок-бекеттер қойылып, жұмысшылар жаппай тексерістен өткізілген.
Құралай Құдайберген
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
