Қазақстанның бірінші ракеткасы Елена Рыбакина мен Ресей спортшысы Вероника Кудерметова Индиан-Уэллстегі турнирдің финалына шықты, деп хабарлайды inbusiness.kz ҰОК сайтына сілтеме жасап.
Жартылай финалда қазақстандық-ресейлік дуэт Людмила Киченокты (Украина) / Елена Остапенконы (Латвия) 6:4, 6:3 есебімен ұтты.
Екеуара кездесу 1 сағат 16 минутқа созылды. Рыбакина мен Кудерметова үш рет Эйс орындады, бір қос қате жасады және 14-тен алты үзіліс ұпайын жүзеге асырды. Финалда Елена мен Вероника турнирдің екінші жұбы – Сие Шувейге (Тайвань) / Элис Мертенске (Бельгия) қарсы ойнайды.
Индиан-Уэллсте өтіп жатқан жарыстың жекелей сында қазақстандық отандасымыз Юлия Путинцева екінші айналымнан тоқтаған болатын.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
