"Қазақстан Республикасындағы сайлау туралы" Конституциялық заңға сәйкес тергеу изоляторларында ұсталатын, үкімі заңды күшіне енбеген, кәмелеттік жасқа толған азаматтар жалпыға бірдей белсенді сайлау құқығына ие. Тергеу-қамауындағы адамдардың құқықтарын іске асыру мақсатында республиканың қылмыстық-атқару жүйесінің 16 тергеу изоляторында орналасқан жері бойынша сайлау округтеріне кіретін жабық сайлау учаскелері құрылды, онда 5 мыңнан астам адам Қазақстан Республикасының кезекті Парламенттік сайлауында дауыс беруге қатысуда", - деп жазылған комитет хабарламасында.
⠀
Сонымен қатар дауыс беру өтетін үй-жайларда тиісті бақылау, күзет және қадағалау жүйесімен қамтамасыз етілген. ⠀
Ағымдағы жылғы 5 қаңтардағы жағдай бойынша "қызыл" және "сары" аймақтардағы өңірлерде сайлау комиссиясының барлық мүшелері, оның ішінде байқаушылар да алдын ала ПТР-әдісімен COVID-19-ға зертханалық тексерістен өткен.⠀
⠀
Ал жабық сайлау учаскелеріне кіру тергеу изоляторларының қызметін регламенттейтін нормативтік құқықтық актілерге және "Қазақстан Республикасындағы сайлау туралы" Конституциялық заңына сәйкес жүргізілуде.
Қазіргі уақытта республиканың тергеу изоляторларында 6 мыңға жуық адам ұсталуда.
ҚАЖ, Тергеу изоляторларында отырған адамдар дауыс береді, сайлау, сайлау 2021, ІІМ Қылмыстық-атқару жүйесі комитеті
