Жапониялық Terra Drone корпорациясы қазақстандық KazUAV компаниясының 49%-ын сатып алмақ. Бұл туралы KazUAV-тың баспасөз қызметіне сілтемемен "Интерфакс-Қазақстан" хабарлайды.
Шетелдік корпорацияның әзірге нақты қаншаға сатып алатыны айтылған жоқ.
Terra Drone бас директорының сөзінше, жапондықтарға Орталық Азияда сенімді серіктес керек.
Айта кетсек, KazUAV – ұшқышсыз аппарат саласында қызмет көрсететін отандық компания. Ол 2016 жылы құрылған. 2018 жылы Халықаралық азаматтық авиация ұйымының тапсырмасы бойынша алты әуежай мен әуеайлақ маңындағы аймақты суретке түсірген.
Ал Terra Drone – дрон қызметін ұсынатын әлемдегі ірі жеткізушілердің бірі. Корпорация құрамында 25 компания бар.
Автор: Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
