Осы кездесуден кейін ол Үндістанға "мүмкіндігінше тезірек" инвестиция салғысы келетінін айтты, деп жазады inbusiness.kz CNN-ге сілтеме жасап.
"[Моди] Үндістанға шынымен қамқорлықпен қарайды, өйткені ол бізді Үндістанға қомақты инвестиция салуға шақырды, неге салмасқа?! Біз тек ыңғайлы уақытты белгілесек болғаны", - деді Маск журналистерге.
"Мен Tesla Үндістанға шығатынына сенімдімін және мұны мүмкіндігінше тезірек жасау керек", - деді ол нақты мерзіміне тоқталмай. Маск келесі жылы Үндістанға баруды жоспарлап отырғанын айтты.
Масктың Үнді нарығына деген ұмтылысы бұрыннан байқалады. 2017 жылы компания директоры дәл сол жазда Үндістанда Tesla (TSLA) көліктерін сату жоспарлап жатқандарын айтқан еді.
Бірақ бұл жоспар Tesla-ның жергілікті өзін-өзі басқару органдарымен импорттық салықтарды азайту туралы келіссөздердің нәтиже бермеуіне байланысты кейінге қалдырылды. Маск 2021 жылы Твиттерде Tesla Үндістан нарығына кіргісі келетінін жазды, "бірақ импорттық баж салығы әлемдегі барлық ірі елдер арасында ең жоғары".
Reuters агенттігінің хабарлауынша, Tesla баж салығын қысқартуды мақсат еткен, бірақ Үндістан үкіметі компанияның кез келген салық жеңілдіктерін қарастырмас бұрын жергілікті жерде автомобильдер шығарғанын қалайды.
Сейсенбіде Маск Модимен "фантастикалық кездесу" өткенін және "Үндістанның болашағына өте қуанышты" екенін атап өтті.
