Мұндай статистиканы The Hill газеті келтірді, деп жазады inbusiness.kz.
"2022 жылдың қаңтарынан 2023 жылдың қаңтарына дейін Украинаға бөлінген АҚШ-тың көмегі — $77,5 млрд құрады", - делінген басылымда.
Оның ішінде $29,3 млрд Ресейдің басқыншылығы басталғалы бері АҚШ-тың тікелей әскери көмегіне жұмсалды, оған жаяу әскер қару-жарағы кірді: 1600-ден астам Stinger зениттік кешені, 8500-ден астам Javelin танкке қарсы жүйесі, 2590 TOW танкке қарсы зымыраны, 111 млн-нан астам атыс қаруына оқ-дәрілер, сондай-ақ ондаған мың оқ-дәрілер мен дулығалар жиынтығы, бақылау жүйелері, түнгі көзілдіріктер, тепловизорлар мен басқа да техникалар.
Экономиканы қалпына келтіру, энергетикалық қауіпсіздік пен "жалғасып жатқан гуманитарлық дағдарыспен күресу" үшін қосымша шұғыл қаражат ретінде тағы 45 миллиард доллар бөлінді. Бөлек, Украинаның ішінде де, одан тыс жерлерде де босқындарды гуманитарлық қолдауға 1,9 миллиард доллар көмек көрсетілген.
Сондай-ақ, Дүниежүзілік Банк арқылы Украинаны қолдауға тағы 13 миллиард доллардан астам қаражат бөлінді.
