Бұған дейін "Джузефина" лақап атымен танымал блогер Жұлдыз Жауынбаева кішкентай кезінде әкесінің зорлағанын айтқан еді, деп хабарлайды inbusiness.kz сайты.
– Әлеуметтік желілерде блогердің қатысуымен түсірілген бейнематериалдар таралуда. Онда ол әкесінің тарапынан бала кезінде өзіне қатысты құқыққа қарсы жыныстық іс-әрекеттер жасалғанын мәлімдейді.
Тікелей эфир барысында бойжеткен балағат сөздер айтып, өзін орынсыз ұстаған. Аталған факті бойынша полиция қызметкерлері тексеру жүргізіп, туыстарынан жауап алып, жарияланған материалдарды зерделеді.
Ата-анасының айтуынша, бейнематериалдарда келтірілген мәліметтер шындыққа сәйкес келмейді. Сондай-ақ, олар қыздарымен ұзақ уақыттан бері байланыс жасамайтынын хабарлаған, – деп мәлім етті Қостанай облысының Полиция департаменті.
Тараптардың барлық уәжі толық тексерілмек. Сонымен қатар, ата-анасының арызы негізінде жалған ақпарат таратқаны үшін блогерге әкімшілік іс қозғалған. Ол ұсақ бұзақылық жасағаны үшін де жауапкершілікке тартылады.
